Ing dinten Kemis, 14 November 2024 kelas 8 SMP Maria Immaculata Marsudirini Yogyakarta nindakaken kegiatan rohani inggih menika ziarah dhateng Gua Maria Sriningsih, Klaten.

Saderengipun bidhal lare-lare kelas 8 dipun klempakaken wonten aula lan dipun paringi arahan dening Bu Rini guru kelas 8 ingkang ugi guru agama wonten ing SMP Maria Immaculata. Ancasipun supados mangke ing mrika boten bingung anggenipun nindakaken tugas. Wonten ing Sriningsih mangke lare-lare badhe dalan salib lan rosario kanthi ujub nyuwun siswa enggal, semangat grengseng sinau kangge para siswa lan kasarasan tumrap kulawarga ageng SMP Maria Immaculata.

Sasampunipun rampung pembagian tugas kangge lare-lare, sedaya lare sarta guru pendamping tumuju dhateng parkiran Senopati amargi bisipun parkir wonten mrika. Anggenipun ziarah ngginakaken 2 bis. Bidhal dhateng Sriningsih kirang langkung tabuh 08.00 enjing. Sadangunipun lumampah tumuju dhateng Sriningsih lare-lare ketingal remen lan boten wonten ingkang mabuk.

Wonten ing margi lancar lan boten macet, mila setunggal jam langkung sekedhik sampun dumugi ing Sriningsih.Dumugi Sriningsih sedaya nuli ngraosaken sengsara Dalem kanti lumampah ing margi pamenthangan saking ngandhap lan dipun lajengaken rosario. Saksampunipun rosaio sedaya lajeng makan siang lan dipun lajengaken foto kelas lan foto pribadi.

Tabuh 12.15 siang sedaya mandhap tumuju parkiran bus, lajeng wangsul wonten ing sekolahan malih. Dumugi sekolahan tabuh 13.45. Menika wau sekedhik seratan anggenipun kelas 8 nindakaken kegiatan ziarah dhateng Gua Maria Sriningsih, Klaten. (End)